[第11道] 韓式大醬湯 (附食譜)

近年韓風吹襲，很多人都愛上韓劇、韓國菜、韓文！
所以黎緊同大家做一些簡單的韓國菜式，過一過韓癮！！

韓式的湯來說，我最愛喝大醬湯，有豆的香味，有海鮮的鮮味！正！！！

韓式大醬湯（3-4人用）
蜆　　　半斤
豆腐　　1磚
翠玉瓜　半條
白蘿蔔　1/3條
冬菇　　5-6朵
洋蔥　　半個
洗米水　1L*[圖2]大蔥　　半條
調味料：蒜蓉　　1茶匙
大醬　　3湯匙
辣椒醬　半湯匙

1. 將蜆浸鹽水去沙，洗淨備用
2. 翠玉瓜及白蘿蔔切片再開四，成扇型狀；冬菇開四；洋蔥切大塊；豆腐切大粒
3. 水滾後加入白蘿蔔片、冬菇、洋蔥小火煮約10分鐘後加入調味料
4. 再轉大火加入蜆、豆腐、翠玉瓜，煮至蜆打開後關火
5. 加入大蔥即可**




* 洗米水不要第一轉的水，要第二轉，唔夠洗米水可加入普通水，或唔用洗米水都可以
** 如果愛辣之人，可再此加辣椒絲

[每日一煮] 韓式泡菜蒟蒻冷麵

有時一個人食的時候，就唔會煮飯！可以食下其他野！
就算２個人食～　煮下唔同的野都無咁悶啦～^^

[每日一煮] 沙嗲肥牛粉絲煲, 蜜黑豆/涼拌木耳, 炒菠菜

夏天來了~ 得閒煮些簡單的涼拌菜是很不錯的~ ^^

[第10道] 日式炒雜菇 (附食譜)

天氣成日轉黎轉去~ 真係唔病都難~ 所以多食d 增強免疫力或抵抗力的食物先得~ ^^

[菇菌的多醣體，可活化免疫細胞，調節免疫系統產生抗體，進而發揮免疫力]


日式炒雜菇
雞脾菇　1大個
冬菇　　5-6朵
美白菇　1盒
粟米仔　1盒
調味料：砂糖　　　1湯匙
日本豉油　2湯匙
味醂　　　2湯匙
米酒　　　1湯匙
薑蓉　　　1/2 - 1茶匙(依個人喜好)
蒜蓉　　　1茶匙
七味粉　　適量 (可以不加)

1. 將雞脾菇及冬菇切成條狀，粟米仔開半，美白菇切去尾部分開一條條*
2. 開鑊加少少油，將所有材料放入去，炒至菇軟身後**，瀝乾備用[圖2]
3. 開鑊加(2)[圖3]，放調味料，中火炒至乾身即可

* 菇理應唔洗洗，但國內野唔敢唔洗，所以洗一洗，隔好水份，千祈唔好浸
** 菇會出水，所以唔駛加水炒

[每日一煮] 日式炸蝦咖喱烏冬

煲唔切飯? 唔緊要~ 整個烏冬食下~ ^^

[每日一煮] 白菜心蛋餃鍋，蒜蓉墨魚粉絲蒸絲瓜

話說之前一日去左人地屋企煮飯，食剩左ｄ獅子頭，今日諗攞ｄ肉做咩好呢？
好～攞黎做蛋餅啦！本身打算做盞攪(蛋餃)～但屋企隻鑊又唔係圓底～　好難做得靚！

配上白菜心同肉片做湯底~ 又食得又飲得~ 呀媽成日咁野做滾湯架！

又想食蒜蓉蒸絲瓜，但又好似唔夠肉食咁～　加蝦又好似會"out 筆"
咁加墨魚啦！又好味～　^+++^ 就係咁又一餐了~

[第9道] 南瓜佃煮 (附食譜)

佃煮係一個簡單的家庭菜式，咸咸甜甜的，很好下飯




南瓜佃煮

日本南瓜 半個（約800克）
柴魚湯 1杯：柴魚片 5克
水   200ml
調味料：砂糖 2湯匙
日本豉油 2湯匙
味醂 2湯匙
米酒 1湯匙

1. 將南瓜切成一口大小
2. 先做柴魚湯，將水放入煲中煲滾後關火*，放入柴魚片，不用攪它[圖1]3. 當柴魚沉了底，就可以隔起柴魚片[圖2]，剩下的就是柴魚湯
4. 將調味料加入(2)中，煮滾後加入南瓜[圖3]，小火煮至南瓜熟了，中火繼收乾水份，不用全乾
5. 可作熱食或凍食

[每日一煮] 蕃茄粟米湯飯, 椒絲腐乳生菜

D 排天氣太熱, 熱到個人"呆呆地", 日日都只係想飲野, 飲野同飲野~ = =|||
咁熱熱到無咩胃口, 決定晚餐食返d 濕濕地, 酸酸地 同辣辣地的野~ ^^

[第8道] 紅酒燴牛肋條 (食譜)

一道很香濃的菜式，牛肉中不單有蕃茄香，亦有紅酒香！

紅酒燴牛肋條　(4-5人用)

牛肋條　　　800克
洋蔥　　　　1.5個
甘荀　　　　1-2條
西芹　　　　1-2條
麵粉　　　　適量（最好用高筋粉）
蕃茄膏　　　1小罐
紅酒　　　　300ml
雞湯　　　　500ml
水　　　　　200ml
香葉/月桂葉　2片
迷迭香　　　1湯匙
鹽及黑椒　　適量

1. 將牛肋條洗淨切件，抹乾後加入紅酒，浸3小時或浸過夜*
2. 洋蔥切大件，甘荀滾刀切，西芹切大粒
3. 牛肋條取出，醃過的紅酒備用；牛肋條輕輕抹乾後，沾上薄薄的麵粉[圖1]，放到煎鍋中至兩面金黃色[圖2]
4. 加入醃過的紅酒煮滾備用
5. 在煲內放入適量的油，先將蔬菜炒香[圖3]，然後加入牛肋條及紅酒
6. 加入雞湯、水、蕃茄膏及香料[圖4]，煲滾後轉至小火炆約1-1.5小時**
7. 加入鹽及黑椒，中火煮至收汁即可

* 浸完後，牛肉會變深紫色的
** 中途可撇一撇油，無咁油膩

[每日一煮] 韓式大醬湯, 兩小碟, 韓式燒肉, 海鮮蔥餅

本身打算煮得清d~ 但見有人過黎食飯, 都係煮下其他野先~ ^^

[第7道] 沙律配柚子油醋汁 (附食譜)

成日招呼人地黎我屋企，好時常都整西餐
其中一樣野時常都會食，就係「沙律」
食得太多，所以好想要唔同款的！
除左warm salad外，可以變化的唔單止係配料，沙律汁都可以改變一下！

方間有好多唔同的沙律汁，沙律醋，西式日式的！
如果唔想下下買一支返屋企的話，其中個方法就是自製！

今次就是用家裡所有的材料去製作，酸酸甜甜好好味！希望大家喜歡啦！

  

柚子油醋汁

柚子茶　2 湯匙
紅酒醋　4 湯匙
橄欖油　4 湯匙
鹽　　　少許
黑椒　　少許

只需將所有材料放入小瓶內，關上瓶蓋，不停搖不停搖，搖至均勻即可！！！

 

[每日一煮] 南瓜佃煮，沙薑烤雞，日式炒雜菇

上次煲湯用左雞殼，今次用埋d雞脾雞翼先^^

[第6道] 南瓜濃湯 (附食譜)

很多人都覺得西式的湯沒有營養，或者覺得比較肥，但其實西湯都可以做得好健康！
希望大家對西湯可以改觀啦！




南瓜濃湯 (3-4人份)

南瓜　　　400克
洋蔥　　　半個
雞湯　　　500ml（可以自製或無味精的）
牛油　　　半湯匙
橄欖油　　1湯匙
牛奶　　　200-250ml
鹽及胡椒　適量
麵粉　　　1湯匙（如有需要）

1. 先將南瓜去皮切粗粒，洋蔥切幼粒
2. 起鑊，加入牛油及橄欖油，及洋蔥，將洋蔥炒至軟身[圖1]
3. 如果想湯杰些，可炒完洋蔥後，加入麵粉一起炒，炒到不太見到白色
4. 加入南瓜及雞湯[圖2]，大火至滾後轉小火，煲大約20-30分鐘至南瓜軟身
5. 可用手提攪拌棒打勻*，然後加入牛奶煮至滾，再加入調味料，試味直到覺得合味即可

 

  **或攤暖後放入攪拌機至所有材料打勻，再放回煲內煮

[每日一煮] 蒜香金沙炒雜菇, XO肉片炒西蘭花



炒飯小貼士

記得小時候在婆婆家的時候，很多時候吃到炒飯，
只要之前一晚食唔晒白飯，第二日就會炒！
婆婆的炒飯最大特式就係「好深色」
因為婆婆喜歡用豉油去炒，所以大了我炒飯都一定會加豉油，
不單有醬油香，還有婆婆的味道^^

很多人都識炒飯，但要炒得好就不太易，
有時還用很多油！
所以我係度同大家分享一下我炒飯的小貼士！
不但粒粒分明，而且不用很多油！希望大家可以炒個又少油又好食的炒飯吧！

小貼士

- 最好用隔夜飯，因為無咁重濕氣，比較乾爽；如果要用新鮮飯，就用少些水去煮，攤凍一下才煮吧！

- 重要部份來了！先將雞蛋及少少鹽放入白飯中[圖2]，並且攪勻[圖3]！這樣能夠令可令每粒飯都能夠有蛋漿，還有無咁痴鑊，那麼就不需要用很多油呢！

- 不要太細火，可以快些令有蛋漿的白飯，快些乾身

- 若果要加豉油，就先將飯炒乾身後再加，再用大火炒

[Home Cuisine 出品] Tiramisu 意大利芝士餅

 Tiramisu 意大利芝士餅

濃郁的芝士味，質感幼滑，夾雜著特濃咖啡及蘭姆酒，喜愛咖啡及芝士的人的首選！
正宗無魚膠粉版本，歡迎大家問價！

(今次影得麻麻地， 請見諒，下次影張靚d 的先)



圖中為２磅的份量

[第5道] 日式蘿蔔煮 (附食譜)

這是很簡單的一個料理，卻意外好吃，因為更吃得出蘿蔔的清甜，愛白蘿蔔之人一定要吃呢～^^

日式蘿蔔煮

柴魚高湯：
水　　　1000ml
柴魚片　25g*

材料：
白蘿蔔　1 條

調味料：
料理酒　2湯匙
糖　　　2茶匙
生抽　　1湯匙
老抽　　半湯匙
鹽　　　1/4茶匙

1. 先做柴魚高湯，水煮滾後[圖a]關火**，放入柴魚片[圖b]，蓋上鍋蓋焗約20分鐘，然後將渣滓過濾隔去[圖c]，將湯汁倒回鍋中。
2. 蘿蔔去皮，切成厚件[圖1]，切去白蘿蔔的邊[圖2]，在表面用刀劃上十字
3. 將高湯燒熱，加入調味料及蘿蔔大火煮滾後轉小火[圖3]，蓋上鍋蓋煮30分鐘
4. 盛起放入碗中，撒上鰹魚碎後即可

 

* 每隻柴魚片要的分量未必一樣, 可以先看包裝指示
** 一定要關火, 否則會有魚腥味

[LET'S PARTY] 十年...

由讀沙田IVE到依家，已經有十年了，當中有好多弟兄姊妹係之前已經認識～　
今次約埋幾個已前沙田IVE的弟兄姊妹，叫埋佢地另一半出席！
約左好耐的一餐飯，終於約成了～希望大家都喜歡以下的菜式啦！

南瓜濃湯
蒜蓉包
蝦刺身刁草油醋汁拼沙律菜
紅酒燴牛肋條
芝士焗青口
Tiramisu

[第4道] 清酒煮花甲 (附食譜)

這是簡單易煮又好食的菜式，清酒的香味再加上花甲的鮮味，簡直無得頂！！！
出面細細碗都幾十蚊～　但係買花甲或者蜆，廿幾蚊就有一斤了！



清酒煮花甲
花甲/蜆  1斤（我用了花甲皇）

調味料：

清酒  1.5杯（我用左韓式燒酒）
水 半杯
蒜頭 2粒切蓉
鹽 1/2 茶匙

1. 洗乾淨d 花甲，用水加鹽養住
2. 將所有放入煲左煮滾，加入花甲煮至所有開口即可

睇下幾簡單～　=p

[每日一煮] 大餐後遺症

有人上黎食餐便飯，諗住簡簡單單算！
但因為之前果日係整左母親節大餐的關係，買左好多刺身，睇個款都食唔晒，留ｄ今日一齊食啦！
咁不如再煮日本菜啦！！

咦？仲有差唔多半個日本南瓜喎！
南瓜…整個冷盤…「南瓜佃煮」
好…諗個小食…「玉子燒」
無肉喎…嗯…「烤蔥雞串」
唔夠菜喎…咦？！仲有白蘿蔔係屋企…「日式煮蘿蔔」

三文魚刺身有ｄ肉比較瘦，就咁唔好食…咁…三文魚麵豉湯啦！

就係咁…本身諗住簡簡單單的一餐飯…
變左咁…

[第3道] 北海道牛奶布甸 / 意式奶凍 (附食譜)

其實北海道牛奶布甸同意式奶凍只係一線之差~
分別只係牛奶同淡忌廉的分別~
學識１樣~識晒２樣～　勁抵～>0<

北海道牛奶布甸(已減糖) 6樽

北海道3.6牛奶 350ml
淡忌廉(Whipping Cream) 150ml
糖35g
魚膠片 7g
雲呢拿香油　1/4tsp

1. 先將魚膠片分開一片片放入冰水中浸軟[圖2]*2. 將牛奶同淡忌廉拌好
3. 將(2)的其中2/3 及糖放入煲中[圖3]煮至微滾[圖4](煲邊起泡, 並出煙即可)
4. 將(1)浸軟的魚膠片取出，渣一渣將多餘的水渣出，放入(3)當中，拌勻至魚膠片溶解
5. 將(2)的其餘1/3放入(4) 拌勻，用隔過濾放入瓶內[圖5]，雪至少3-4小時即可

*魚膠片一定要放入冰水浸軟，如果用室溫水是會溶的！
  如果沒有魚膠片，可用同等份量魚膠粉，加3倍室溫水拌好後，用熱水坐溶用

意式奶凍

牛奶同淡忌廉的份量可以調轉～
或是全部用晒淡忌廉
總之最後加埋是500ml 就可以
另外建議整意式奶凍時，不用雲呢拿香油～
而轉用1/2 條 雲呢拿條~ 因為會比較香

用法：

將雲呢拿條中間開半，括出雲呢拿籽放入牛奶與淡忌廉溶液同煲
而雲呢拿條的殼可以放埋一齊煲，煲完取出就可以
或是將雲呢拿條的殼放入糖中，就可以成為雲呢拿糖^^

[LET'S PARTY] 母親節大餐

媽媽特別鍾情於日本， 最愛吃日本菜！
我小時，媽媽總是說很想去日本，穿和服
可是我這個女...由無錢陪佢去，到依家因為某些原因又唔去得住
希望總有一天能夠陪同媽媽去她最愛的日本吧！

因為媽媽特別喜愛日本的關係，所以母親節、生日，總是帶她去吃日本菜！
但今年的母親節有些不同，就是由我煮返親給媽媽吃！
雖然要做多了功夫，但係價錢平至少一半，份量卻多一倍！
最重要味道又唔差好多，希望她喜歡啦^^

今年的母親節大餐有

茶碗蒸
日式炒菜+薑汁燒豬肉
吉列蝦+天婦羅雜菜
三文魚刺身+甜蝦+帶子刺身
清酒煮花甲
北海道牛奶布丁配雪糕



  黎緊會挑選幾個菜同大家分享一下的~ ^^
因為煮咁多餸~好難分心影相~ ^^"

今次D 相點解同平時有D 唔同? 因為今次影相果個...唔太識影~ =P 張張都OUT FOCUS

[第2道] 鎮江骨 (附食譜)

這是平時出街食上海麵時必點的菜式，不過出面叫「無錫排骨」

一直都不知道「無錫」這兩個字的意思，時常想同錫紙有無關係~@@|||
最後發現...原來... 無鍚係一個地方名~ = =||||
天氣越來越熱，一些酸甜的菜式可增加胃口，令我老公都食多左飯，哈哈哈

 


鎮江骨/無錫骨

金沙骨/一字排　4大條, 約500克
蔥(切段)　　　  2條
蒜(切碎) 　　 　2粒
乾蔥(切碎)　　  1粒
薑　　　　　　3片

醃料：
老抽　　1/2 湯匙
紹興酒    1/2 湯匙
胡椒粉    少少
糖    　　1茶匙
生粉　    1/2 湯匙

汁料：
鎮江醋*  3湯匙(先加)+2湯匙(後加)
冰糖**    3粒(乒乓球大的)
八角***  2粒
水   　　~150ml
生抽   　1茶匙
紹興酒   1/2 湯匙


1. 將金沙骨洗淨，切大塊，加入醃料醃半個鐘，然後煎至表面金黃備用 [圖2]2. 起鑊，用薑、蔥、蒜及乾蔥爆香後 [圖3]，加入金沙骨，然後加入汁料 [圖4]，滾後調小火炆約45分鐘至肉變淋
3. 轉至中火收汁，收到七七八八時，加入2湯匙的鎮江醋，收汁至感覺變稠即可

* 首選是金梅牌鎮江香醋
** 最好用冰糖，因為味道較好、色澤較亮及可幫助肉類變軟淋
*** 另外可加入桂皮，陳皮

[每日一煮] 鎮江骨, 蒜蓉白菜仔

無咩胃口時, 最好食d 酸酸甜甜的野~ ^^

[第1道] XO煙肉炒年糕 (附食譜)

開始寫食譜了~ 希望請大家食多d 唔同的菜式啦！
今次請大家食ＸＯ煙肉炒年糕~ ^^
炒年糕通常都是用咸肉或腩肉片，但我又懶得去買咸肉；五花腩，買得少又唔好意思！
見雪櫃有煙肉，好！！！就用佢啦！都係腩肉姐～=P
年糕我用韓式年糕片，但唔一定要用韓式的，可以用寧波年糕
我用韓式的原因係…我屋企有存貨…哈哈
不過我都喜愛用韓式的年糕，因為我鍾意佢的質感，同埋佢無糯米，無咁難消化！



ＸＯ煙肉炒年糕 (3人份) 

年糕　　　　　　550克
煙肉　　　　　　4片
金娃娃菜　　　　1棵
冬菇(可用乾的)　  5朵
蝦米　　　　　　14克
辣椒仔　　　　　1條
薑　　　　　　　3片
蒜　　　　　　　2粒
乾蔥　　　　　　2粒
水　　　　　　　適量
蔥(切段)　　　　 2條

調味料A鹽　　　1/2茶匙
糖　　　1茶匙
XO醬　  2茶匙
生抽　　1茶匙
魚露　　1茶匙

調味料B麻油　　1茶匙


1. 冬菇洗淨切片備用*
2. 蝦米先洗一洗，再用水浸一浸，連水備用
3. 金娃娃菜洗淨切條備用；煙肉切條備用
4. 蒜、乾蔥及辣椒仔切碎備用
5. 起鑊加少少油，先用中火將煙肉爆香逼出油[圖2]；加入金娃娃菜及冬菇**[圖3]，炒至金娃娃菜軟身後，盛起備用
6. 再開鑊，加油；先爆香薑、乾蔥蓉及蝦米(留蝦米水)[圖4]，有香味後加入蒜蓉及辣椒蓉，爆香後加入年糕[圖5]
7. 炒勻後加入蝦米水***，唔夠水再加清水[圖6]，然後加入調味料A
8. 用中火煮至收水後，加入(5)盛起的料，加入蔥段及調味料Ｂ炒勻即可



* 如果用乾冬菇，要先洗一洗，再浸軟，切片後連水備用*。浸冬菇需時，請先提早做
** 如果用乾冬菇，浸冬菇的水不要加入去，但冬菇水要留下備用
***如果用乾冬菇，冬菇水可在此時加入

[每日一煮] XO煙肉炒年糕, 炒菜心苗

突然話係屋企食~ 打開個雪櫃睇下有咩可以清倉先~

開張啦!!!

一向身邊的朋友成日叫我開私房菜，所以我決定係呢度開張~ ^^
所以我先將呢度改名叫"Home Cuisine"
另一個意思, 「Home」感覺好warm, 有家的感覺~
而個logo 個Home 字係有個笑容係個"O"字度架~
為求大家煮得開心~ 食得開心~ 睇得開心~
將自己煮野心得, 食譜, 知識同大家分享~
開店格言：在家中將平凡的食材, 變成餐廳中的美食！
總之~大家多d黎幫襯啦~ ^^