[每日一煮] 海鮮煲仔飯， 清炒菜心苗

西班牙海鮮飯又整過，葡式海鮮飯都整過

今次整返個中式的，無得頂～

仲要係煲仔飯，食少碗都難=p

[第41道] 韓式炸醬 (附食譜)

韓國菜對香港人來說，好多都好辣～
但如果講唔辣的韓國菜的話～
韓式炸醬真係其中一個廣為人知的食物～
味道偏甜，同港式的分別好大

對韓國人黎講，炸醬麵係中國菜之一
而且每當4月14，一些經曆過2月14的情人節，和3月14的白色情人節，仍然無情人的話～
會相約大家去食炸醬麵，原因唔太清楚～但好似係同炸醬麵的黑色有關係的～

炸醬麵對於我黎講，唔算係叫勁好食，但唔知點解過一段時間就會想食一次～
所以就煮一次啦～～～

韓式炸醬 (2人份)

肉碎　　　　150g
洋蔥　　　　半個
甘荀　　　　半個
翠玉瓜　　　半個
薯仔　　　　半個
蒜　　　　　1粒(切蓉)
韓國甜麵醬　5湯匙
糖　　　　　1湯匙
水　　　　　1杯

1. 洋蔥、甘荀、翠玉瓜、薯仔切約1cmx1cm的大細
2. 起鑊，先炒洋蔥至半透明，加入甘荀粒、翠玉瓜粒、薯仔粒。
3. 在鑊中，留些空位炒肉碎至金香。加入甜麵醬及糖炒勻後，加入水。
4. 用中火煮至所有材料淋身及醬料比較濃時，加入生粉水煮至杰身即可

係屋企附近買唔到ｄ好食彈牙的麵的話～　可以試一下用稻庭烏冬代替哦～　^^

[第40道] 葡式海鮮飯 (附食譜)

上次整過西班牙海鮮飯, 今次整葡式海鮮燴飯, 出黎質感需要有d唔同~ 都係好好食就真的~ ^^



葡式海鮮飯

米
罐裝蕃茄　1罐
蝦　　　　1斤
魚柳　　　1條
帶子　　　15粒(細)
青口　　　12隻
墨魚仔　　10隻
洋蔥　　　1個
蒜頭　　　2粒
香葉　　　1片
蕃茄膏　　2湯匙
白酒　　　50ML
水　　　　1L
檸檬汁　　半個

1. 先將所有海鮮洗淨；蝦：除去蝦頭及蝦殼，去腸備用。魚：切件。青口：去殼。
2. 洋蔥切碎備用；蒜頭切碎備用。
3. 先將蝦頭及蝦殼炒香，加入白酒。滾後加入水煮約15-30分鐘。
4. 在另一隻鑊先炒洋蔥至半透明，加入蒜頭炒香後，加入罐裝蕃茄、蕃茄膏及香葉。
5. 煮至滾後加入米，輕輕拌炒後，加入蝦湯。
6. 中火煮至米接近八成時，先用鹽及黑椒調味，再加入各種海鮮，蓋上蓋煮至所有材料及米熟透。
7. 上菜前加入檸檬汁拌勻後即可。

[每日一煮] 韓式炸醬配日本烏冬

平時耐唔耐都好想食韓式炸醬麵~
但太貴la~ >< 所以成日唔捨得食~
但係屋企整d麵又唔夠好食~~
所以今次決定用上日本烏冬~ 咁就有佢果種彈牙的口感啦~~~
唔錯喎~~~ 遲d 同大家分享食譜~  ^^

[Let's Party] Super Crazy Night

今次呢班真係唔講得笑~~~~
真係勁好笑~ 又勁大食~*0*
原先都怕d野食唔晒~ 但有佢地真係唔怕~
最後變左怕佢地唔夠食~~
所以決定整一大鑊飯~~~我個鑊都有28寸左右~
如果比著平時的人~ 我估可以十幾人食~
但今晚佢地每人添左2-3次～～～　唔計我咁細食的~ 佢地6人就ko 左佢~
勁~ *0*

[第39道] 南乳烤骨 (附食譜)

南乳一向都係我最愛的調味之一~ 真係無發抵擋~ 南乳雞翼就食得多~
今次整個骨黎食下啦~~^^



南乳烤骨

一字骨　10條

醃料：
南乳　　1湯匙
糖　　　1湯匙
米酒　　1湯匙
生粉　　半湯匙
老抽　　1茶匙
胡椒粉　少許

1. 將所有醃料放有一字骨當中醃約半小時
2. 先大火煎至表面微金黃色，再放入焗爐220度焗約10-15分鐘即可*

*可放入焗爐比較高的位置，中間翻轉一次就可以了

[每日一煮] 雲耳炒翠肉瓜, 南乳烤骨

[Home Cuisine出品] 玫瑰花蛋糕

[每日一煮] 土魷蒸肉餅、清炒芥蘭苗

[特別推介] 牙膏型茄膏

唔知大家有無試過煮野時要用茄膏，但要用又唔係用得多～
買完一罐返黎～用得果少少，之後又唔知點處理呢？

我就試過幾次～　有時唔係日日煮飯～
又唔知可以放幾耐～　開左放得太耐又唔係咁好咁～
變左好浪費～～

所以今次我要推介的～　就係呢支野啦

呢支係牙膏型的茄膏，要用幾多唧幾多，用唔晒放入雪櫃，寫明到期日～
真係放便得多～

我唔知多唔多地方有得賣～　我就係the 1間Axxx MxxVxxxx 度買~~~
一支唔貴~ 同一罐茄膏的價錢差唔多~
佢的質地同膏茄有d分別的~ 佢係比較似濃縮版茄蓉~ 但係都唔錯~~~ 可以一試~

[第38道] 煎蛋蕃茄免治牛肉飯 (附食譜)

這個係我去茶餐廳愛吃的飯之一~ 由其是加埋煎蛋，真係無得頂~~~~
大家愛吃就試煮一下啦~ 又好吃，又易煮~

煎蛋蕃茄免治牛肉飯 

免治牛肉　約200克
甘荀　　　半條
蕃茄　　　2小個
乾蔥　　　2粒
蒜　　　　1粒
熱水　　　200ml

醃料：
鹽　　適量
黑椒　適量

調味：
茄膏　2-3湯匙*
茄汁　2湯匙
糖　　1-2湯匙*
鹽　　1/2茶匙
喼汁　2茶匙
醋　　1-2湯匙*

1. 甘荀、乾蔥、蒜切碎備用；在蕃茄底的皮上切十字，放入滾水中煮約15秒去皮切細粒
2. 將醃料加入牛肉當中，用大火煎至焦香備用
3. 先炒乾蔥、蒜頭，加入甘荀炒軟後，再加蕃茄粒炒一下
4. 加入牛肉、茄膏、茄汁炒一下後，加入熱水
5. 小火煮至變稠**，加入調味料試味即可
6. 食前再煎隻蛋上面，wow~ so nice~


* 因為各人喜好不同，可因應自己喜歡的味道調較
** 趕時間可以大火d煮, 不過味道無咁和諧~

[每日一煮] 煎蛋蕃茄免治牛肉, 烚菜心

話說年半前為自己訂下目標：當我同老公２個人食飯的時候，點都要有一碟係未煮過的！當初諗住只係實行到半年，過左半年之後就覺得應該可以一年～
唔覺唔覺～依家已經年半～～～　我仲有ｄ想煮的野未煮～～～
究竟～　我可以維持到幾耐呢？

就係因為呢個目標～　我不停諗下有咩煮～～～
今期我想煮一ｄ茶餐廳的食物～～
對於我黎講～　首選一定係呢個～～～　

煎蛋蕃茄免治牛肉
又好送飯～　又好食～～～　無得頂～
烚多條菜～　咁就一餐啦～～～～

[Let's Party] 回港

今次我爸爸個堂妹返左黎香港，所以約左去我度食飯～
佢個女女好得意架，有兜風耳～～～仲好有性格ｔｉｍ～下次再見面時唔知佢會幾大呢～

叔公因為知道佢黎我屋企～所以買左ｄ老婆餅黎～
講到元朗～　點都要有老婆餅咁～　這個細細件～岩岩好～～～

今次自製個鍋巴真係好好食，食不停口～～
下次再整其他味道先～～～

是日餐單：
肉骨茶
沙嗲串燒
椰汁香茅肉碎鍋粑
沙嗲大蝦粉絲
蒜蓉炒菜

[每日一煮] 叻沙

近期愛上叻沙，果種香濃真係無得頂～
姑仔話叻沙一定要有芽菜，豆卜，魚片，呢度齊晒啦～～～
今次煮得唔錯，但想可以煮得更好，到時再同大家分享食譜～～



（其實超巿買果隻醬都唔錯架，如果大家唔想咁麻煩，可以試下果隻叻沙醬～）

[第37道] 台式滷雞脾菇(附食譜)

台式滷雞脾菇
雞脾菇　3隻
乾蔥 2粒
蒜　 1粒
薑　　　1片

調味料：

生抽　　2湯匙
老抽　　0.5湯匙
水　　　200ml
冰糖　　1-2湯匙
酒　　　1茶匙
五香粉　適量
胡椒粉　適量
八角　　半粒

1. 乾蔥、蒜、薑切碎；雞脾菇切小丁；
2. 開鑊炒香乾蔥、蒜、薑，加入雞脾菇炒至乾身，加入調味料煮至入味即可

[每日一煮] Green Dinner

成日出街食~ 又油~ 又多肉真係好唔健康ga~
所以耐唔耐係屋企煮飯~ 都要整返餐得菜的平衡一下~
得菜咪好寡？ＮＯ～ＮＯ～ＮＯ
可以整得好豐富～　大家比多Ｄ相像力就ＯＫ啦～～～



炒菜，薑蔥蒸豆腐，台式滷雞脾菇

[Home Cuisine 出品] 彩繪瑞士卷

圖1 抹茶紅豆卷
圖2 Rum 酒提子卷


多款味道可供選擇~
(朱古力咖啡、抹茶紅豆、朱古力至尊、朱古力脆脆、朱古力吉士、朱古力香蕉、士多啤梨、竹炭芝麻、香滑栗子、rum 酒提子、香濃芋泥、香甜紫薯、曲奇雲呢拿、黑豆忌廉、日式南瓜、斑蘭芝士、意大利芝士)

可提供圖案
歡迎問價

[Let's Party] 迎新飯

每年都有新的弟弟妹妹入黎青聚~
今次幾個姊妹~一齊煮飯去歡迎佢地~ ^^

廿人份量~ 真係唔野少~~~

香橙果仁沙律
青瓜煙三文魚卷
芝士忌廉焗薯
蜜椒雞翼
蒜片牛柳粒
葡汁豬柳飯
煙肉意粉

[每日一煮] 豉油雞腿肉, 豆醬薑炒金娃娃菜

[第36道] 明太子雞翼 (附食譜)

如果有留意我個blog 的人都知~
我堂姐之前去旅行送過d 明太子意粉醬比我~
今次我再用佢黎整意粉外的野~ 好好味呀~~~ 咸咸香香咁~~~
大家試下啦~ ^^

我今次整的唔係釀入去架~因為唔夠時間~
但就咁係面頭都己經好食了~ ^^

明太子焗雞翼

雞翼　　　　　2磅(約20-22隻)
明太子意粉醬　1小包*

醃料
老抽　　4湯匙
糖　　　2湯匙
胡椒粉　適量
酒　　　1湯匙
生粉　　2湯匙

1. 雞翼洗淨抹乾，加入醃料醃約30分鐘
2. 焗爐預熱至200度，放入雞翼焗約15分鐘後反面再焗15分鐘至金黃色
3. 雞翼熟後加入明太子意粉醬拌勻即可

* 買一包明太子意粉醬返黎，通常都有2小包的，只要用其中１小包即可

 

[Let's Party] 鼓勵的笑容

今次約左我老公表姨一家~ 同埋老公表姨個老公個家姐一家~ =p
點解識唔重要~

d餐最重要的係2個小表妹的笑容~
見住佢地咁鍾意個兒童餐~ 真係好開心~ ^^
我會繼續努力ga la~ ^+++^

炒牛蒡
甜蝦他他沙律
三文魚刺身
明太子雞翼
南瓜薯餅
日式燉肉
兒童餐
抹茶紅豆卷(櫻花)

 

[第35道] 青芥沙拉骨 (附食譜)

芥末有微微的辛辣，好有趣ga~ ^^

青芥沙拉骨
金沙骨4條

醃料
糖　　　1湯匙
老抽　　2湯匙
胡椒粉　適量
酒　　　1湯匙
生粉　　1湯匙

調味料
芥辣　　適量
蛋黃醬　3湯匙

1. 金沙骨一開二後，醃約半小時
2. 開鑊將金沙骨中煎至金黃色及全熟後盛起備用
3. 醬調味料拌勻後，加入金沙骨拌勻至所有金沙骨都可以沾到醬，即成

[每日一煮] 白玉葡萄，青芥沙拉骨，蒜子炒絲瓜

一攞出黎～　ｄ人就話"嘩~~挑埋花"
係~ 我係比較誇~~ =p

[第34道] 龍蝦薯仔沙律 (附食譜)

這個薯仔沙律真係好好食，對於麻麻薯仔沙律的我都食左好多～
如果你好like 薯仔沙律的話，一定要試試～～　^^

龍蝦薯仔沙律(4人份)
新薯8粒
紅葉生菜1棵
龍蝦1隻

調味料：
橄欖油3湯匙
鹽適量
黑椒適量
水瓜杻10粒
檸檬汁2湯匙
pasley適量
檸檬青少少

芥末醬：
檸檬汁2茶匙
芥末籽1茶匙
蛋黃醬1湯匙

1. 龍蝦烚熟後加入冰水中，涼後拆肉出來備用；生菜洗淨脫水備用
2. 新薯加入熱水中烚熟後一開二或四，然後加入調味料拌勻備用
3. 芥末醬材料拌勻備用
4. 先放生菜->新薯->芥末醬->龍蝦肉~ 攪掂~~~

[每日一煮] 大考驗~~~

某個朋友~ 最鍾意出提考考我~
叫我整d出街先食到的餸~~~
今次佢就買左龍蝦上黎~ 叫我用盡佢~
所以我...
用左佢個頭同d殼整龍蝦湯~
再用佢的鉗做沙律~~
之後用埋佢身的肉加埋蝦做意粉~~~
咁可以叫做用到盡la 掛~~~  

[Home Cuisine 出品] 3D 史迪仔蛋糕 - 朱古力香蕉

妹子生日~ 做左佢最愛的史迪仔~~~

歡迎問價~~~2磅起 

[第33道] 香橙柚子魚柳 (附食譜)

既然我老公咁主動講個汁好食~ 我無理由唔同大家分享架嘛~~~
這個餸的魚柳當然係炸最好食la~
但無謂咁熱氣~~~ 所以煎算la~~~




香橙柚子魚柳
魚柳　　2條
鹽　　　適量
黑椒　　適量
麵粉　　適量
汁料：橙　　　1個(搾汁)
柚子蜜　1湯匙
1. 魚柳洗淨切件抹乾後，用鹽同黑椒略醃
2. 醃後輕輕索乾，撲上麵粉後煎至金黃後盛起
3. 汁料加熱後，加入生粉水煮至變稠後，淋在魚柳上即可

＊如果想炸可以撲上麵粉後，沾上蛋漿，再沾上蕃薯粉後炸！！！

[每日一煮] 香橙柚子魚柳，豬頸肉炒冬瓜

香橙柚子魚柳的汁好好食~
我老公首次我唔問佢意見~ 佢主動同我講好食~~~
心情好複雜~ @@|||
究竟係以前我煮的~ 大家都話好食但唔岩佢胃口丫~
定係佢轉左死性~開口讚我呢~  = =

[每日一煮] 打風啦~~~ 一齊開罐頭~~

打風啦~ 打風啦~~~
我可以開罐頭啦~~~~~
平時都好少開罐頭~
但一到打風~ 不期然想開開罐頭~

今次整左個豆豉鯪魚炒公仔麵~

放心~ 唔係好咸~仲好好食~ 依據老公的要求~
d 豆豉同鯪魚都煎香左~ 有少少脆脆的~~~
當然我唔敢食咁多~
比老公食多d~ =p
烚多個菜清清佢~

係第二日~有個fd 同我講佢唔多食豆豉鯪魚~
所以唔知咩味~~~ 佢仲問我豆豉係唔係黑豆黎的~~

oh~~~~ 大家~我係呢度同大家介紹一下豆豉～～～
豆豉係大豆做的～　做法都係將佢發酵～
根據維基講～　佢係有乳酸菌同胺基酸的～～

日本納豆又係大豆發酵～點解中國的豆豉好食咁多～>0<

[Home Cuisine] 栗子鮮果蛋糕

以法國栗子打成香滑栗子茸，配上蛋糕的鬆軟，以及清新的生果～真係無得頂～～～

2磅起

[第32道] 芋頭魚 (附食譜)

芋頭可以話係我最鍾意的食材之一~ 無論點整都覺得佢好正~~
芋頭魚係我少時最愛的！以前跟婆婆食～
後期大了，很少機會去食！竟然出面少食到～　就係屋企整啦！！！
大家支持一下！！！

芋頭魚（圖中份量）
芋頭　　300克
熟澄麵　80克 (40g澄麵 + 40g 熱滾水搞均)
調味料：
糖　　　1茶匙
五香粉　1/4茶匙
胡椒粉　1/4茶匙
南乳　　2茶匙
1. 先做好熟澄麵
2. 芋頭去皮切片蒸熟後，加入調味料後壓蓉
3. 將芋頭蓉續少加入熟澄麵當中後拌勻，所有材料拌好後造型
4. 沾上麵粉後炸至金黃色即可

醬汁：
茄汁　　2茶匙
糖　　　1.5茶匙
醋　　　1茶匙

1. 將所有材料加埋煮熱即可

[Let's Party] 孫新抱考試

結左婚成年幾先考~ 哈哈
無計~老公的嫲嫲行動不便~
之前果間屋唔太方便佢上黎~
所以推到咁遲～

今次連埋老公的姑媽一家都上黎~
因為姑媽隔天就生日~奶奶話買個蛋糕喎～
咁不如我整啦！！！無咁多化學野～又可以少甜少忌廉～
就係咁～　首個栗子鮮果蛋糕推出啦！！！！希望大家支持一下！

見住大家食得開心就好了～
嫲嫲都好開心～　講真～雖然大家都讚我～　但嫲嫲煮野實在太好食～
我呢ｄ完全係小毛見大毛～　但只要係佢最愛的孫仔的老婆煮～
咩都開心晒啦！成晚大家都好開心咁過～
太好了～　^^





是晚餐單
鹵水拼盤
話梅鎮江骨
蒜蓉炒菜
芋頭魚塊
大蝦粉絲煲
XO豬頸肉炒西蘭花

[自由講場] 生日飯篇

又係「自由講場」？！
係.....我明白.....我ｄ度主要講煮野食的多.....
但係我岩岩好生日時期，成日都比人約出去食飯~　＞＜　
所以無時間煮飯~~當比我放個假ｌａ~　^^"
放心~好快就post 返煮飯相架啦~ ^^

今次同朋友去左間韓國烤肉店~
我覺得幾日feel~ 好似真係返左去韓國咁~ ^^
烤肉點會無酒~ 一於飲返壺막걸리先~~ 飲勝~~~

[自由講場] 生日禮物篇

YEAH~ 收到的都是廚房用品~ =p
唔好話我老公唔浪漫(雖然佢真係唔多浪漫)但係這是我指定要的~ ^^
用落好順~ 正呀~ >0<

而妹妹送的係48頭唧花咀 1 set~~ ^^
好期待試唔同的吱花~~~ 遲d 試用先~ =p
多謝晒~~~ >3<

[自由講場] HAPPY BIRTHDAY TO ME~~~~ =P

今年生日好開心~~~ 可以去酒店住一晚~ 可以去游水~~~
天氣好好~~~ 可以RELAX ~ HEA 下~~~
可以食餐好的~~~~ 多謝晒老公~~~~ >3<

今次老公帶我去食MR.STEAK~
食完我地話佢應該改名做~ MR.SEAFOOD / MR. OYSTER
因為食蠔同海鮮都好食過D 牛扒~~~
不過原先老公都係諗住同我食蠔~ 可以叫揀岩LAAA~ ^^
D蠔6隻3款148~ 我覺得都OK~ 都幾新鮮~~~ 由淡的到咸的再到甜的~~~ 好正呀~~~

 

所以如果大家去食的話~ 最好唔好食STEAK~ WAHAHAA~
同埋唔好加錢食個梳乎理~~~  = = 因為唔值~~~水平以下~~~
所以成餐飯~ 最好食係前半部份~ KAKAAAA~

不過今餐得著的係.... 可以比IDEA 我試新菜式~
希望不久的將來同大家分享一下~~~ ^^

[第31道] 馬拉盞豬頸肉辣炒金邊粉 (附食譜)

咸香的馬拉盞一向我都很喜歡~ 今次為左帶飯返工要突登煮左這個金邊粉~
又好食又易煮~~~ 大家試下啦~~~~

馬拉盞豬頸肉辣炒金邊粉
金邊粉　1餅*
豬頸肉　1塊
韮黃　　4束
芽菜　　適量(今次個老細話唔靚~ 建議我唔好買~ 所以無買~)
辣椒乾　2條
蒜　　　1-2粒
醃料：
鹽　　1/2茶匙
糖　　1茶匙
魚露　1/2茶匙
老抽　1茶匙
生粉　1茶匙
油　　少少
調味料：
馬拉盞　1茶匙**
麻油　　適量
老抽　　1茶匙
魚露　　1茶匙
水　　　適量
1. 金邊粉浸軟備用(約15分鐘)；豬頸肉切片，加入醃料醃15分鐘；韮黃切段；蒜頭及辣椒乾切碎
2. 若加芽菜，可先白鑊炒芽菜至熟備用***
3. 開鑊落少少油，加入蒜蓉、辣椒蓉；出香味後加入已醃的豬頸肉，炒至半熟後加入韮黃、馬拉盞及少少水
4. 然後加入金邊粉、老抽及魚露，炒至熟後加入芽菜及麻油後即可

* 金邊粉我係百x 度買的~ 金xx牌~ 1袋有3餅
** 馬拉盞我係印尼舖頭買，1條硬硬的，撕開佢就用得
*** 白鑊炒芽菜可避免有菜青味

[每日一煮] 馬拉盞豬頸肉辣炒金邊粉

[第30道] 蕃茄乾辣椒乾意粉 (附食譜)

簡單又好吃的菜式~ 蕃茄乾的微酸~ 加上辣椒乾的辣～
又累又無胃口時吃非常好～　^^

今次的蕃茄乾係老公的姑媽去完旅行送的~ 唔係自製~ ^^"

蕃茄乾辣椒乾意粉 (二人用)

意粉　　200克
蕃茄乾　6-7塊
辣椒乾　半條(整碎)
鹽　　　適量
黑椒　　適量
蒜　　　1-2粒(切片)

1. 煲滾水，加鹽及意粉煮至８分熟
2. 煮意粉同時，開鑊落油，凍油落蒜片及辣椒乾直至香味出後加入蕃茄乾略炒
3. 加入煮意粉水至蕃茄乾變軟備用
4. 意粉煮至８分熟後加入(3.)，煮至意粉全熟*後，用鹽及黑椒調味即可，可伴入芝士粉同吃

* 煮意粉的時候，如果乾水再加入煮意粉水

 

[每日一煮] 煙三文魚墨西哥卷, 蕃茄沙律, 蕃茄乾辣椒乾意粉

無錯~~~個煙三文魚墨西哥卷係買的~ =P
無計LA~ ><
岩岩過去果個星期忙到癲左~ 累到傻左~~~
所以煮到個意粉同整到個沙律已經唔錯架啦~~~ ^^" 

[第29道] Tortilla de patatas (附食譜)

很簡單又好食的菜色，跟據manuela 所講，西班牙家庭都幾常做這個～
如果愛薯仔的話～一定要試一試~
(今次無人幫我影到大頭~ 所以只好攞人地的相比大家睇)




Tortilla de patatas
薯仔　　　3-4個
西班牙腸　半條
洋蔥　　　1個
蛋　　　　4隻
鹽　　　　適量
1. 薯仔切粒*；西班牙腸同洋蔥切粒備用
2. 用煎pan放入薯仔及油，油量要蓋過薯仔，煮至薯仔半透明，加入洋蔥及西班牙腸
3. 再以慢火煮至薯仔全熟，可以用筷子插入，然後盛起隔油備用
4. 將(3)放入大碗中，將打勻的雞蛋倒入，加入調味料後拌勻
5. 將(4)倒入煎pan中，慢火煎至一邊定形，再反面煎至全熟後即可

* manuela 講切片, 但我覺得切粒比較放便, 隨你喜歡啦

[Let's Party] English BirthDay Party~

開叭~~~~
又多個birthday party~ 今次係3個7月21日生日的姊妹birthday party~
因為其中一個的要求 ~ 所以整左一餐西班牙菜~
今次又係在未吃過的情況下去煮~
好在佢之前去西班牙交流~ 係佢口述的情況下整左呢一餐~

但最緊張都唔係呢個位~~
而係當日話加一個外國人黎食飯~ @0@
雖然佢唔係西班牙人~
但感覺勁似係韓國人面前整韓國菜一樣~ @@
不過佢都好滿意~ ^^
成晚好似


唔單止第一次有外國人黎食飯~
都係第一次整彩繪瑞士卷~~~
因為第一次整~ 唔敢整太多花~ 所以比較簡單~~
下次再接再厲~ ^^

[第28道] 香茅泰式豬頸肉(附食譜)

香茅遇上豬頸肉~ 食少件都難~ >0<

香茅泰式豬頸肉
豬頸肉 3件
麥芽糖 適量
醃料：
檸檬葉碎   約15塊
乾蔥碎 5粒
芫茜碎 半杯
香茅2條
老抽5湯匙 
魚露 步3湯匙
米酒2湯匙
砂糖 7湯匙

1. 將豬頸肉洗淨抹乾，將醃料拌勻放入豬頸肉醃過夜
2. 焗爐預熱220度，醃好豬頸肉放入焗爐焗約20分鐘（每５分鐘反一反），再塗上麥芽糖，焗10分鐘至焦香
3.放上涼架放涼，切件上碟

[每日一煮] 香茅燒豬頸肉, 烚芥蘭, 咖喱大蝦

[第27道] 梅子麵豉蒸排骨(附食譜)

梅子的酸加上麵豉獨特的豆香，再加少少辣椒的辣味！
唔開胃都難～　 =p

梅子麵豉蒸排骨(2-3人食用)
腩排　　約400g(30蚊)
梅子　　4粒
麵豉　　1湯匙
糖　　　1茶匙
酒　　　1茶匙
胡椒粉　適量
油　　　少許
粟粉　　2茶匙
辣椒　　半隻
生抽　　1茶匙
1. 將腩排切件；梅子去核切碎後加入排骨中
2. 再加入其他的調味料醃半小時後，中火蒸８分鐘即可！

[每日一煮] 梅子麵豉蒸排骨, 烚芥蘭

一向喜歡酸酸甜甜的我地, 點會唔煮這個呢?

下次試下用梅做其他菜式先~ ^^

[第26道] 辣椒膏炒青口 (附食譜)

泰式風味的, 加埋金不換同香茅的香味, 甜甜辣辣又香, 你無理由唔試下~ >0<

辣椒膏炒青口

青口　　1盒(約1磅)
金不換　10片
香茅　　1條
糖　　　1/2湯匙
辣椒　　1隻
蒜頭　　2粒
乾蔥　　2粒
辣椒膏　1-2湯匙
魚露　　1/2茶匙
水　　　100ml
青檸汁　少許

1. 青口洗淨備用；香茅、辣椒、蒜頭、乾蔥切碎備用
2. 青口先出水盛起備用；開鑊加入香茅碎、辣椒碎、蒜蓉、乾蔥蓉炒香
3. 加入辣椒膏及水煮至滾後，加入青口、糖、魚露炒勻
4. 煮至青口熟後關火，加入金不換及青檸汁炒勻即可